Vällävaliminõ om sündünü varrõmb välläarõndõduidõ mõttidõ põhjal, miä tegüsivä jo Eesti Tarbekunsti- ja Disainimuuseumi jaos esiumanäütüisi valmistamisõ man. Kõik kolm luujat omma tii iin umaette näütüisiga, ütine um näil tuu, et uman luumisõn omma nä vaba ja vahtsõndusõmiilse, a samal aol huul egäüts näist uma validu eräala pruugõst ja perändüsest.
Mare Kelpmani näütüse nimi om „Värvikuud“. Siin saava külälise är nätä, kuis tüütäs Eesti üts kitetümb rõivamoodutaja ja miä tege timäst tuu, kiä tä om. Mare Kelpman om pistü pandnu hindä nimega kaubamärgi kelpman textile ni tuu läbi näütäse harilik koet villanõ sali, pliid ja mäntli vällä nii, nigu olõsi seo ilma aig näide jaos luudugi.
Raili Keiv tekk näütüse „Tarõ”, kohe tä valõ Eesti Tarbekunsti- ja Disainimuuseumi korjusõst vällä umamaa savitüükunstnikkõ anoma, miä päämädselt omma peri 1960.–1980. aastist ja saanu jo moodutuskunsti klassikas, ja pand nuu kokko hindä luuduga, et sündünü midägi vahtsõt ja üle ao küündüjät.
Tanel Veenrel om näütüs „Sinihabõna“. Edimäst kõrd omma siin vällä pantu maski, midä seo ehtekunstnik ja mitmõl alal teküs moodutaja om valmis saanu nii kümne viimädse aastaga sisen. Veenre maski omma vällä kasunu moeetendüisi jaos luuduist manopannussist ja näid muutva mõokambas nigu tõõsõst maailmast peri kildakõsõ.

Esiumanäütüse tetti edimält vallalõ Eesti Tarbekunsti- ja Disainimuuseumi gallõriin:
Mare Kelpman, „Värvikuud“ 3.06.–11.09.2022
Raili Keiv, „Tarõ“ 21.01.–2.04.2023
Tanel Veenre, „Sinihabõna’“ 16.06.–24.09.2023

Näütüse kokkopandja: Ketli Tiitsar (ETMM)
Näütüse kujjosäädjä: Tõnu Kalpus
Graafilinõ moodutaja: Tuuli Aule
Näütüst tugõva Eesti Kultuurkapital, Trendwood, Võru Kannel, EMPAK.

Loe pikemalt https://vorumuuseum.ee/kulalisele/naitused/

---